Maingat akong tao
Takot mapuna
O magkamali man lang
Bawat aking kilos
Ibinabase sa nais ng iba
Ng sa gayon,
Di ako masisisi
Ngunit
Kung mahalin ka ay labag sa kanila
Mahal,
Handa na akong magkamali
Para sa iyong pananatili
Handa na akong saluhin
Ang ulan ng mapanghusgang mga salita
Handa na akong maglakabay
Sa daang puno ng tinik
Ng kanilang huwag at pagkat
Handa na akong lumangoy
Sa dagat ng kanilang bakit at paano
Paano
Paano nga ba tayo tumagal ng ganito
Sinong mag-aakala
Na ang pusong mahina
May lakas din palang ikinukubli
Palagi mang may takot na makagawa ng mali
Ako’y susubok pa rin
Baka di lamang batid
Na ang tama’y nababalutan lamang
Ng mapanlinlang at makamundong kamalian
Kailan naging mali ang mahalin ka
Mahal,
Pikit na ba ang aking mga mata
At nabulag sa iyong mga salita
Mata
Padama
Padama mo sa akin
Na ang piliing magpatuloy
Kailanma’y di dapat pagsisihan
Pagkat
Kung ang mahalin ka ay isang kamalian
Mahal,
Mula sa isang taong takot sa bayolenteng komento,
Handa na akong magkamali
- Cliché of Feeling - September 19, 2020
- In the Blink of an Eye - September 19, 2020
- Cautious - May 10, 2020
