Isa sa pinakamahirap na desisyon
ay yung mamili ka sa pagitan
ng kung ano ang tama
at kung anong nagbibigay sa’yo ng saya.
Marami sa atin na pinipili ang tama
dahil alam nating sa huli,
ito pa din ang makapagbibigay
ng katahimikan at kapayapaan sa atin.
Tanging maiiwan ang masakit na katotohanan
na kung ano o sino man
ang nakakapagpasaya sa’yo
ay kailangan mong bitawan.
Kailangan mong pakawalan
para ikaw nalang ang mahirapan
kailangan mong tiisin
para wala na silang ibang isipin.
Sadyang malawak
ang pagmamahal
at kung ito ay totoo,
handa kang magsakripisyo.
