Paulit ulit kong pinipilit,
Paulit ulit din ang iyong pagkapit
Hindi ko na mabilang ang aking pagbitaw,
Kasabay ng mga salitang umaalingawngaw
Paulit ulit kong gustong bumigay
Paulit ulit mo kong gustong humimlay
Hindi ko na din alam kung tama pa ito,
O mali na ako’y unti unting sumusuko?
Paulit ulit akong sumigaw,
Paulit ulit mo naman akong tinatanaw
Natutuwa sa aking dinaranas
Habang ako’y nagpupumiglas.
Paulit ulit
Paulit ulit..
Hindi ko na mabilang kung kailan ako nanalo
O kung kailan siya natalo
Ang alam ko, dalawa kaming nagaagaw
Sa maskara ng aking tunay na pagkatao.
Latest posts by Monica Dabuet (see all)
- Tayo - April 15, 2020
- Balintatawa sa ulan - April 15, 2020
- Sandalan - April 15, 2020
